„Вие сте светлината на светот. Град кој лежи на рид, не може да се скрие.“
Матеј 5:14
Што и зошто
Претходната лекција за духовно движење ни ја даде дефиницијата за движење и ги потенцираше Придобивање, Изградување и Испраќање како примарни активности. Таа лекција се фокусираше на тоа што е движење и што прави движењето. Сега ќе се осврнеме на „како“ движењето ја исполнува својата цел.
Во 1 Самоилова 13:8-15 гледаме една приказна за царот, кој што во работен ден, се обидел да ја исполни својата задача. Царот Саул презема неколку јасни чекори кои се надевал дека ќе ги одведат неговите луѓе кон успех:
♦ Ги подготвува своите луѓе за борба.
♦ Тој развива план и временска табела за воениот конфликт.
♦ Тој го бара Бог пред борбата.
♦ Му принесува жртва на Бог.
Секоја активност може да изгледа како одговорна активност на еден цар кој ги води своите луѓе во време на голем немир. Но, има еден фундаментален проблем. Начинот на кој што Саул ги извршувал овие задачи бил длабоко погрешен.
Кога се појавува пророкот Самоил во приказната, тој е многу вознемирен од делата на Саул. (11 и 13 стих). Саул ги преземал работите во свои раце и згрешил што не чекал на Господ. Направил жртва која не смеел да ја направи. Тој избрзал пред Господ. Не се потпрал на Бог. Тој преземал одговорности кои што не му биле дадени. Последиците биле кобни.
Како резултат на тоа, Бог му кажал на Саул дека неговиот дом нема да продолжи да владее во Израел. Бог ќе одбере некој друг да ја води нивната нација. 1 Самоилова 13:13-14 ветува дека наредниот водач ќе биде „човек според Божјото срце.“
Во 1 Самоилова 13 има еден пример на човек кој бил подготвен да направи многу работи што требало да бидат направени, но не ги правел како што Бог сакал. Ова ни покажува дека тоа ШТО го правиме е секогаш пропратено со КАКО го правиме тоа. Бог ги вреднува и двете.
Како движење ние треба да бидеме вклучени во придобивање (да водиме нови луѓе до Христос), изградување (правење ученици чии животи се променети) и испраќање (водачи кои прават ученици). На кој начин ги исполнуваме овие цели е мнгу важно. Мораме да го правиме тоа на начин кој му е угоден на Бог. Мора да произлегува од тоа што го следиме Божјото водство, а не нашите напори.
Така, доаѓаме до примарното прашање на оваа лекција: На кој начин можеме да ги исполниме целите на нашето движење како водачи „според Божјото срце?“ Сега ќе се осврнеме на оваа тема.
Проучување на Библијата
Бог работи преку неговите луѓе да го изгради неговото движење.
Во подготовка на читање на библискиот пасус за оваа лекција, ќе биде добро да се потсетиш што се случило пред настаните запишани во Дела 4та глава.
Бог направил чудо преку Петар и Јован. Човекот кој бил сакат 40 години бил исцелен! После чудото, Петар и Јован го проповедале евангелието во храмот. Многу луѓе поверувале во Христос како нивни Господ и Спасител.
Прочитај ја Дела 4та глава
Кликни за текст
Да ги погледнеме 1-7 стих, колку била опасна ситуацијата за Петар и Јован? На кој начин се соочиле со несигурност и неудобност?
Ајде за момент стави се во нивна улога. Ако твоите водачи на факултет или во твојот град се однесуваат вака спрема тебе и ти забранат да зборуваш за Христос, што ќе направиш ти?
Гледајќи ги 8-20 стих, забележи што направиле Петар и Јован и како го направиле тоа. Опиши „како“ се однесувале.
Каква била реакцијата на Петар и Јован спрема религиозните водачи? (19-20 стих)
Во 23ти стих можеме да видиме како овие настани му влијаеле на движењето во Ерусалим. Искористи ја табелата дадена подолу за да се фокусираш на „што“ и на „како“ во активностите на движењето. Фокусирај се на 23-31стих.
Понекогаш Божјите деца се под голем притисок
Разбирање на вистината
Како што го проучуваме Божјиот Збор ние откриваме клучни концепти кои ја опишуваат атмосферата на растечко движење. Овие концепти не се ограничени само на некои конкретни активности. Тие ја опишуваат културата или животната средина на едно здраво духовно движење.
Духовна зависност:
Само Бог може да изгради движење. Тоа е Негова работа. Ние едноставно Му се придружуваме како Негови слуги или соработници. Ние зависиме од Бог за сите работи. Разгледај ја зависноста од Бог во примарните елементи на движењето:
Водење на нови луѓе до Христос (Придобивање):
Исус кажа, „ Јас сум Патот, Вистината и Животот, никој не доаѓа кај Татко освен преку мене.“ Човечката врска со Бог секогаш била Божја задача. Сѐ зависи од Него. „Никој не доаѓа кај Мене освен ако Таткото не го привлече“. (Јовн 6:44) Ако не беше Божјата добрина и работа никој немаше да дојде кај Бог. Од почеток до крај, секој аспект на прифаќањето на Христос зависи од благодатта на Бог.
Правење на ученици со променет живот (Изградување):
Павле добро го кажал ова. Тој и Аполос имале своја задача во процесот – тие сееле и наводнувале. Но, само Бог направил да расте. Тој го надминува нашиот капацитет за правење ученици. Во процесот на правење ученици, ние целосно зависиме од Бог.
Водачи кои прават ученици (Испраќање):
Од солидни менторства се развиваат студенти водачи. Само што кажавме дека правењето на ученици е Божја работа. Низ целата Библија гледаме дека Бог поставува водачи. Тој им ги дава нивните квалитети. Тој ти оспособува да ги завршуваат нивните задачи. Бог мултиплицира водачи, и ние имаме привилегија да помагаме во тој процес како Негови слуги.
Како едно здраво движење ја изразува зависноста од Бог?
Сакаме сѐ што правиме во нашето движење да доаѓа од срце кое е целосно зависно од Бог. Движењата кои зависат од Бог за сѐ ги имаат следниве навики:
♦ Движењето се моли постојано. Секогаш бараме од Господ. Признаваме дека не можеме да ги исполниме нашите цели. Бараме од Бог да работи.
♦ Оние луѓе кои се дел од движење го фиксираат својот поглед на Исус од Кој доаѓа помошта.
♦ Движења зависни од Бог го следат примерот на царот Давид кој се молеше вака:
Во Бога е моето спасение и слава;
Бог ми е силна карпа и прибежиште. Надевај се на Него, народе, во секое време,
излевајте ги срцата пред Него:
Бог е наше засолниште. (Psalm 62:7,8)
За да растат, движењата имаат потреба од атмосфера на зависност од Бог.
Вера:
Зависност, доверба и вера се термини кои лежат во сржта на христијанството. Секој од нив има свое значење.
Верата може да бие опишана како верување кое води до дејстување и промена. Во вера, Авраам го напушти својот дом во Месопотамија за да го следи Божјиот повик. Во вера, Рава ги сокри согледувачите кои влегоа во Ерихон. (Евреите 11) Овие примери потенцираат вера која резултира во дејствие.
Ние веруваме во голем Бог кој прави големи дела. Истиот Тој Бог ни ги има откриено. Неговите намери на нас и нè вклучува во Неговата работа. Следствено на тоа, ние дејствуваме за да го извршиме она што Тој го кажува. Земи го во предвид следниов пример:
Иван, Марија и Виктор го љубат Господ и се молеа Тој да отпочне движење на нивниот универзитет. Наближуваше Велигден и тие сакаа да направат нешто посебно за тој празник што би Му донело слава на Бог. Имајќи на ум дека повеќето нивни пријатели ќе си заминат дома за Велигден, тие се договорија да се соберат ден пред празникот. Секој од нив се посвети на тоа да донесе плус тројца пријатели со себе. Иван покани седум луѓе. Марија девет.
Групата отиде на едно дневно патување во планина и Виктор имаше подготвено друштвени игри за запознавање. Тие го поминаа целиот ден планинарејќи и сликајќи се на различни интересни места во областа. На крајот на денот се собраа сите заедно во планинарската куќарка каде зготвија вечера, и потоа Иван, Марија и Виктор ги споделија своите сведоштва. Целата таа авантура беше чекор на вера. Овие студенти ја употребија својата креативност, го молеа Господ да делува, и го споделија Евангелието. Отпосле Иван забележа дека студентите од групата постираа слики од патувањето на своите фејсбук профили.
Како дејствувањето на овие три студенти демонстрира вера?
Каква поврзаност забележуваш помеѓу делата на овие три студенти и Дела 4:8,13?
Движењата се градат преку вера. Верата е кислородот кој што му е потребен на движењето за да дише.
Заедништво/заедница:
Нашата генерација е зафатена од една болест. Верата е станата толку лична што од заедништвото што порано ја одликуваше сега има останато само бледа сенка. Неколку инивидуални дејствија (како кажување на молитва, прекрстување, постење за време на празниците) постанаа мерка за духовниот живот на луѓето. А сепак Исус рече, “По тоа сите ќе познаат дека сте Мои ученици – ако имате љубов помеѓу себе.”
Движењата не се експресија на индивидуализмот. Движењата ги обединуваат Божјите деца за да изградат заедница која ќе му служи на Господ и ќе го исполнува Големото пратеништво. Како градители на движења, ние се посветуваме себеси да се љубиме едни со други, да учиме едни од други и да си служиме едни на други со што во исто време Му служиме на Господ.
Оваа заедница усвојува за себе една цел дадена од Бог и ние се остриме едни со друг (како што железото се остри со железо Поговорки 27:17) за да ја исполниме таа цел и да Му донесеме слава на Бог.
Како што заедницата расте, движењето цвета.
Доверливи работници:
Нашиот голем Бог на сите верници веќе им има дадено многу нешта. Тие имаат нови срца, духвни дарови и богатствата во Христос. Тие го имаат Божјиот Дух и гласот на Добриот Пастир. Тие се Божјо дело, создадени за добри дела. (Ефесјаните 2:10) Тој им ја има доверено ним службата на измирување. (2 Коринтјаните 5:18) Ние сме ПРЕМНОГУ БЛАГОСЛОВЕНИ.
Поради тоа што Бог ни ги има дадено овие нешта и една вредна мисија, оние кои се вклучени во духовно движење поседуваат увереност за да делуваат. Атмосферата на нашето движење нè охрабрува да растеме додека делуваме, а не само да проучуваме или да се подготвуваме да правиме нешто.
Павле му рече на Тимотеј дека му го “доверува” она што Бог им го имаше дадено на доверливите луѓе. Тој ќе делуваше како Божји слуга, знаејќи дека Бог ќе делува преку него. Духовните движења го применуваат ова верување. Ова убедување нè поттикнува да служиме. Ние сме движење затоа што Бог се движи во нас, водејќи не и исполнувајќи ја Својата волја преку нас. Ние не бараме некој друг да не оснажи бидејќи Бог веќе го има направено тоа.
Бидејќи Христос ни го има дадено сето тоа нам, секој од нас ја чувствува мисијата како своја и инвестира во движењето.
Резиме:
Повеќе активности ја сочинуваат сржта на градењето движење. Важно е како се постинуваат овие нешта. Во атмосфера на зависност, вера, заедништво и доверливи работници, движењето ќе Му биде угодно на Господ.
Погледни го следното видео. Слушај ги нивните зборови како и НАЧИНОТ на кој ја комуницираат пораката. Види што можеш да научиш за “НАЧИНОТ” во процесот на градење движење преку ова видео.
Превземање чекори на делување
Во вера, градителите на движење продолжуваат напред и учат од нивните успеси и грешки. Бог преку тебе и твојот тим ќе го гради движењето. Остани зависен од Него, исчекори во вера и изгради заедница.
Подреди го твојот фокус по приоритети:
Ги дискутиравме клучните елементи што ја сочинуваат атмосферата на едно движење:
♦ Духовна завиност ♦ Вера
♦ Заедништво ♦ Доверливи работници
Оди пред Господ и моли Го да ти покаже на кои од овие елементи да посветиш повеќе внимание во моментов.
Одбирам да работам на:
Евалуација:
Евалуирај како твоето движење ги доживува и применува Духовната зависност, Верата, Заедништвото и Доверливите работници.
Нашите јаки страни се:
Нашите слаби страни се:
Да се слушне од Бог:
Моли го Господ да те води. Замоли го да ти открие што можеш ти да направиш за да оваа шема има моќно влијание врз самото движење.
Овде напиши ги твоите идеи и предлози:
Кој би бил твојот прв чекор?
Како да делуваме во поглед на градењрто движења?
Следниве елементи се важни делови на здраво духовно движење.
Зависност
– Се молиме постојано.
– Ги вперуваме нашите очи кон Господ.
-Чекаме на Бог за да не води.
– Му веруваме во секое време.
Имај го на ум овој клучен стих Не со сила ни со снага туку со Мојот Дух! – слово е на Господа над Војските. Захарија 4:6
Заедништво
“По тоа сите ќе познаат дека сте Мои ученици – ако имате љубов помеѓу себе!“ Јован 13:35
– Иако верата е лична, не е дизајнирана да биде индивидуалистична.
– Потребни сме си едни на други.
– Најдобро растеме кога сме заедно.
– На Бог му е мило кога нè гледа како се обединуваме и Го славиме. – Ние уживаме кога ќе се собереме на заедничка молитва. Ние сме заедница. Едно Тело. Обединети сме во Христос.
Доверливи работници
– Бог ни има дадено сè што ни е потребно за да Му служиме.
– Бог ги употребува студентите за да досегнуваат други студенти.
– Бог те упатува тебе и твоите колеги, те исполнува со визија и те оснажува со Својот Дух.
– Следи го Бог и следи ја Неговата визија.
– Чувствувај ја мисијата како своја. Отпочнувај движења таму каде што си и пошироко.
Bepa
Верата е верување кое води до делување и промена. – Во вера, Авраам го напушти својот дом во Месопотамија за да го следи Божјиот повик. – Во вера ние ќе работиме заедно.
– Во вера ќе каниме и други да ни се приклучат.
– Во вера ќе каниме и други да веруваат.
– Во вера ќе го следиме Господ кој може да направи многу повеќе отколку што можеме да побараме или замислиме.
21 И Господовата рака беше со нив и голем број поверува и Му се обрати на Господа. 22 И кога веста за нив дојде до ушите на црквата во Ерусалим, го испратија Варнава во Антиохија. 23 Тој дојде и ја виде Божјата благодат, се зарадува и ги опоменуваше сите да останат во Господа со одлучно срце. 24 Имено, тој беше добар човек, полн со Светиот Дух и со вера; и големо множество се присоедини кон Господа. 25 Тогаш отиде во Тарс да го побара Савла; и кога го најде, го доведе во Антиохија. 26 И така, цела година се собираа во црквата и поучија големо множество. И прво во Антиохија учениците ги нарекоа христијани.
2 Тимотеј 3:16-17
16 Целото Писмо е од Бога вдахновено и е полезно за поука, за изобличување, за поправање и за воспитување во правдата,17 за да биде Божјиот човек совршено подготвен за секое добро дело.
Псалм 1:1-3
1 Блажен е човекот кој не оди по советот на нечесните, и не стои на патот на грешниците, и не седи во седиштето на потсмевачите; 2 туку волјата му е во Господовиот Закон и за Неговиот Закон размислува дење и ноќе: 3 Тој е како дрво засадено покрај водни потоци, што донесува плод во свое време; неговите лисја никогаш не венат; сè што прави, во сè успева.
Псалм 119:97-105
97 МЕМ. О, колку го љубам Твојот Закон, по цел ден размислувам за него. 98 Твојата заповед ме направи помудар од моите непријатели, зашто таа е вечно со мене. 99 Поумен сум од сите мои учители, зашто размислувам за Твоите сведоштва. 100 Поразумен сум и од старците, зашто ги чувам Твоите наредби. 101 Воздржи ги моите нозе од лошиот пат, за да го запазам Твојот збор. 102 Не отстапувам од Твоите судови, зашто Ти ме поучи. 103 Колку се слатки на моето непце Твоите зборови, послатки се од мед во мојата уста. 104 Станувам разумен според Твоите повелби зашто ги мразам сите лажни патишта. 105 НУН. Твоето слово е светилка на мојата нога и светлина на мојата патека.
Jobah 8:31-32
31 Затоа Исус им рече на Јудејците, кои Му поверуваа: „Ако пребивате во Моето слово, навистина сте Мои ученици; 32 и ќе ја познаете вистината, и вистината ќе ве ослободи.”
Колошаните 3:16
16 Христовото слово да живее изобилно во вас; во секоја мудрост учете се и опоменувајте се еден друг со псалми, химни, духовни песни, пеејќи Му на Господа со благодат во вашите срца.
Jakob 1:22-25
22 Но бидете извршители на Словото, а не само слушатели, кои се измамуваат себеси. 23 Зашто, кој го слуша Словото, а не го извршува, сличен е на човек, кој го набљудува своето природно лице во огледало; 24 ќе се погледне и ќе замине, и веднаш заборава каков бил. 25 А кој ќе се загледа во совршениот закон на слободата и остане во него, не како заборавлив слушател, туку како вистински извршител, тој ќе биде блажен во својата дејност.
Matej 7:24-27
24 ”И така, секој, кој ги слуша овие Мои зборови и ги исполнува, ќе го споредам Јас со благоразумен човек, кој ја изградил својата куќа на камен. 25 И заврна пороен дожд, и надојдоа реки, и дувнаа ветрови и навалија на таа куќа, но таа не се разурна, зашто беше заснована на камен. 26 И секој, кој ги слуша овие Мои зборови, а не ги исполнува, ќе биде спореден со безумен човек, кој ја изградил својата куќа на песок. 27 И заврна пороен дожд, и надојдоа реки, и дувнаа ветрови и навалија на таа куќа, и таа падна, и нејзиното паѓање беше големо.”
Jobah 9:1-12
1 Во почеток беше Словото, и Словото беше во Бога, и Словото беше Бог. 2 Тоа беше во почетокот во Бога. 3 Сè стана преку Него, и ништо, што стана, не стана без Него. 4 Во Него беше живот и животот им беше светлина на луѓето. 5 И светлината свети во темнина, и темнината не ја опфати. 6 Се јави човек, испратен од Бога, по име Јован. 7 Тој дојде за сведоштво, за да сведочи за Светлината, та сите да поверуваат преку него. 8 Тој не беше светлина, туку да сведочи за Светлината. 9 Вистинската Светлина, Која го осветлува секој човек, доаѓаше во светот. 10 Беше во светот, и светот стана преку Него, но светот не Го позна. 11 Дојде при Своите, но Неговите не Го примија. 12 А на сите кои Го примија, им даде власт да станат Божји деца, на оние кои веруваат во Неговото име:
Jobah 9:13-17
13 кои не се родија ниту од крв, ниту од телесна похот, ни од волја на маж, туку од Бога. 14 И Словото стана тело и се настани меѓу нас и ја видовме Неговата слава, славата што ја има како Единороден од Таткото – полн со благодат и вистина. 15 Јован сведочи за Него и вика: „Еве Го Оној, за Кого реков: Оној, Кој доаѓа после мене, пред мене е, зашто беше пред мене!” 16 И, сите ние примивме од Неговата полнота: благодат врз благодат. 17 Зашто, Законот беше даден преку Мојсеја, а преку Исуса Христа дојдоа благодатта и вистината.
Jobah 9:35-38
35 Идниот ден, Јован стоеше пак и двајца од неговите ученици, 36 и штом Го виде Исуса да поминува, рече: „Еве Го Божјото Јагне!” 37 Кога ги чуја од него тие зборови, обата ученика тргнаа по Исуса. 38 Исус се заврти и, кога виде дека идат по Него, ги праша: „Што барате?” Тие Му одговорија: „Рави (што значи учител) каде живееш?”
Откровение 7:9-10
9 Потоа видов, и ете: големо множество народ – што никој не можеше да го изброи – од сите народности и племиња и народи и јазици, како стојат пред престолот и пред Јагнето, облечени во бели облеки, со палмини гранчиња во своите раце, 10 и воскликнуваа со голем глас: „Спасение на нашиот Бог, Кој седи на престолот, и на Јагнето!”
Дела Ап 19:1, 7-10
1 А кога Аполос беше во Коринт, Павле, откако ги помина горните области, дојде во Ефес, и тука најде некои ученици.
7 а беа вкупно околу дванаесет мажи. 8 Тогаш влезе во синагогата и таму зборуваше смело, три месеци за Божјото Царство и се трудеше да ги убеди. 9 Но бидејќи некои беа корави и непокорни, и зборуваа зло за Патот пред множеството, тој отстапи од нив и ги оддели учениците, и секојдневно проповедаше во училиштето на некој си Тиран. 10 Тоа продолжи две години, така што сите, кои живееја во Азија, Јудејците и Грците, го чуја Господовото Слово.
Дела Ап 19:24-27
24 зашто некој човек, по име Димитриј, сребренар, кој правеше сребрени Артемидини храмови и на уметниците им донесуваше не мала печалба; 25 ги собра и нив и работниците на такви нешта и рече: „Мажи, вие знаете дека нашата благосостојба доаѓа од оваа работа; 26 а гледате и слушате дека овој Павле, не само во Ефес туку речиси во цела Азија, убеди и одврати големо множество, велејќи дека богови направени со раце – не се богови. 27 Но не постои само опасност да изгуби углед ова наше занимање, туку и храмот на големата божица Артемида нема да биде сметан за ништо, и да му се наштети на величието на онаа, која ја почитува сета Азија и целиот свет.”
Исус Навин 24:1
14 И затоа сега бојте се од Господа и служете Му совршено и верно! Одстранете ги боговите на кои им служеа вашите татковци од онаа страна на Реката и во Египет, и служете Му на Господа! 15 Меѓутоа, ако вам не ви е угодно да Му служите на Господа, тогаш денес изберете кому ќе му служите: можеби на боговите на кои им служеа вашите татковци од онаа страна на Реката, или на боговите на Аморејците во чија земја сега престојувате. Јас и мојот дом ќе Му служиме на Господа.” 16 Народот одговри: „Далеку нека е од нас да го оставиме Господа а да им служиме на други богови. 17 Господ, нашиот Бог, нè изведе нас и нашите татковци од Египет, од домот на робувањето, и Тој направи пред наши очи големи чудеса и нè чуваше по целиот пат по кој одевме и меѓу сите народи низ кои поминувавме. 18 Уште повеќе: Господ ги изгони пред нас сите народи, и Аморејците, кои живееја во оваа земја. И ние ќе Му служиме на Господа, зашто е Тој наш Бог.” 19 Тогаш Исус му рече на народот: „Вие не можете да Му служите на Господа, зашто Тој е свет Бог, ревнив Бог, Кој не може да ги поднесе вашите престапи ни вашите гревови. 20 Ако Го оставите Господа за да им служите на туѓите богови, ќе се сврти против вас и ќе ве уништи, откако ви правеше добро.” 21 А народот му одговори на Исуса: „Не, ние ќе Му служиме на Господа!”
1 Солунците 1:2-10
2 Секогаш Му благодариме на Бога за сите вас, кога ве спомнуваме во своите молитви, 3 зашто си спомнуваме постојано за делата на вашата вера, и за трудот на вашата љубов и за вашата трпелива надеж во нашиот Господ Исус Христос, пред нашиот Бог и Татко. 4 Знаејќи, од Бога возљубени браќа, дека вие сте избрани; 5 зашто нашето проповедање меѓу вас не беше само со слово, туку и во сила, и во Светиот Дух, и во полна увереност; како што знаете какви бевме меѓу вас заради вас. 6 И вие се угледавте на нас и на Господа, примајќи го словото во голема неволја, со радоста на Светиот Дух, 7 така што им станавте пример на сите верници во Македонија и Ахаја. 8 Зашто, од вас Господовото слово се разгласи не само во Македонија и Ахаја, туку вашата вера во Бога се расшири во секое место, така што нема потреба ние да зборуваме нешто. 9 Имено, самите раскажуваат за нас, каков пристап имавме кон вас и како се обрнавте кон Бога од идолите, за да Му служите на живиот и вистински Бог 10 и да Го чекате Неговиот Син од небесата, Кого Го воскресна од мртвите, Исуса, Кој нè ослободува од гневот што доаѓа.
Дела 4та глава
1 Додека тие уште му зборуваа на народот, пристапија при нив свештениците, и управителот на Храмот и садукеите, 2 вознемирени поради тоа што го поучуваат народот и проповедаат воскресение на мртвите во Исуса. 3 И ставија раце врз нив и ги фрлија во темницата, до идниот ден, зашто веќе беше вечер. 4 А мнозина од оние, кои го чуја словото, поверуваа, така што бројот на мажите се зголеми до пет илјади. 5 А утреден се собраа во Ерусалим нивните началници, старешините и книжниците, 6 и првосвештеникот Ана, и Кајафа, и Јован, и Александар, и колку што ги имаше од првосвештеничкиот род. 7 И кога ги поставија на средина ги прашаа: „Со каква сила, или во чие име, го направивте тоа?” 8 Тогаш Петар, исполнет со Светиот Дух, им рече: „Народни началници и старешини!
9 Ако денес нè испитувате за доброто дело направено на еден болен, од што е тој исцелен, 10 тогаш да знаете сите вие и сиот Израелски народ: дека во името на Исуса Христа Назареецот, Кого вие Го распнавте, а Кого Бог Го воскресна од мртвите, преку Него овој човек стои здрав пред вас. 11 Тој е каменот што вие, ѕидарите, го отфрливте, а кој стана глава на аголот. 12 Нема спасение ниту во еден друг, ниту има друго име под небото, дадено на луѓето, преку кое мора да се спасиме.”
13 Кога ја видоа Петровата и Јовановата смелост и забележија дека се некнижевни и неуки луѓе; се чудеа; ги препознаа дека беа со Исуса, 14 но го гледаа исцелениот човек, како стои со нив, па немаа што да им приговорат. 15 Им наредија да излезат од Синедрионот и почнаа да се советуваат меѓу себе: „Што да правиме со овие луѓе? 16 Зашто на сите жители на Ерусалим им е познато дека значајно чудо се случи преку нив, а ние не можеме да го одречеме. 17 Но за да не се разгласи и натаму по народот, да им се заканиме, да не му зборуваат веќе никому во тоа име!” 18 Тогаш ги повикаа внатре и им заповедаа воопшто да не зборуваат, ниту да поучуваат во Исусово име. 19 Но Петар и Јован им рекоа во одговор: „Право ли е пред Бога, да ве слушаме вас повеќе отколку Бога! Судете! 20 Зашто, ние не можеме да не зборуваме за она, што сме го виделе и чуле.” 21 И бидејќи не најдоа пат и начин како да ги казнат, им се заканија уште еднаш и ги пуштија поради народот, зашто сите Го славеа Бога, за она што се случи. 22 Човекот, над кого се случи ова чудо на исцелување, имаше повеќе од четириесет години. 23 Штом беа пуштени на слобода, дојдоа при своите и им кажаа сè што им рекоа свештеничките главатари и старешините.
24 А тие, кога го чуја тоа, еднодушно го подигнаа гласот кон Бога и рекоа: „Господаре! Ти си Бог Кој ги создаде небото и земјата, морето и сè што се наоѓа во нив! 25 Ти, преку Светиот Дух, со устата на Својот слуга Давид рече: ‘Зошто се бунат народите, и зошто племињата замислуваат празни работи? 26 Се дигнаа земските цареви, а кнезовите се здружија против Господа и против Неговиот Помазаник – Христос.’ 27 Навистина се здружија во овој град Ирод и Понтие Пилат, заедно со народите и со израелските племиња, против Твоето Свето Дете Исус, Кого си Го помазал, 28 за да го направат она што Твојата сила и Твојата волја, однапред, го определила да се збидне. 29 А сега, Господи, погледај на нивните закани, и дај им на Твоите слуги да го проповедаат Твоето Слово сосем смело, 30 протегнувајќи ја при тоа Твојата рака, за да стануваат исцелувања и знаци, и чудеса, преку името на Твоето Свето Дете Исус!”
31 А кога се помолија, се стресе местото каде што беа собрани. И сите се исполнија со Светиот Дух и смело го проповедаа Божјото Слово. 32 А множеството на оние, кои поверуваа, имаше едно срце и една душа, и никој не велеше дека нешто од неговиот имот е негово, туку сè им беше општо. 33 Апостолите сведочеа многу силно за воскресението на Господа Исуса и голема благодат беше над сите нив. 34 И никој меѓу нив не беше во скудност, зашто сите, кои имаа ниви и куќи, ги продаваа, а цената на продаденото ја донесуваа и ја ставаа пред нозете на апостолите. 35 И секому му се даваше колку кому му беше потребно. 36 А Јосиф кого апостолите го нарекоа Варнава – што значи Син на утехата – левит, родум од Кипар 37 имаше нива, што ја продаде, а сребрениците ги донесе и ги положи пред нозете на апостолите.
Евреите 10:19-25
19 И така, браќа, кога имаме смелост да влегуваме во Светината преку крвта на Исуса, 20 Кој ни го отвори новиот и живиот пат низ завесата, односно Неговото тело, 21 и откако Го имаме Врховниот Свештеник над Божјиот дом,
22 да пристапуваме со искрено срце во полна увереност на верата, со срца кои преку попрскување се очистени од зла совест и со тело измиено во чиста вода. 23 Да го држиме непоколебливо исповедувањето на нашата надеж, зашто е верен Оној, Кој ветил 24 и да внимаваме на тоа да се поттикнуваме еден со друг кон љубов и добри дела! 25 Да не ги напуштаме своите собранија, како што некои имаат обичај, туку да се бодриме еден друг, и тоа дотолку повеќе, доколку гледате дека наближува Денот!
Тит 1:4-5
4 благодат, милост и мир од Бог Таткото и Господа Исуса Христа, нашиот Спасител. 5 Затоа те оставив на Крит, за да го средиш несвршеното и за да поставиш старешини по сите градови, како што ти наредив
Дела Ап 16:25-34
25 Околу полноќ, Павле и Сила се молеа и со песна Го славеа Бога, а затворениците ги слушаа. 26 Но одеднаш стана силен потрес, така што се стресоа основите на темницата: во истиот миг се отворија сите врати, и на сите им паднаа оковите. 27 А чуварот на темницата се разбуди и кога ги виде отворените врати на темницата, го извади мечот и сакаше да се убие, мислејќи дека затворениците избегале. 28 Но Павле викна со силен глас, велејќи: „Не прави си себеси никакво зло, зашто сите сме тука!” 29 А тој побара светлина, истрча внатре и треперејќи падна пред Павле и Сила; 30 ги изведе и рече: „Господини, што треба да правам за да се спасам?” 31 Тие пак рекоа: „Верувај во Господа Исуса и ќе се спасиш ти и твојот дом.” 32 И им го проповедаа Господовото слово нему и на сите, кои беа во неговиот дом. 33 И тој ги зеде во истиот час на ноќта, им ги изми раните од ударите и веднаш се крсти и тој и сите негови. 34 Тогаш ги одведе горе во куќата, постави трпеза, и се зарадува со целиот дом, зашто поверува во Бога.
Дела Ап 8:1-5, 26-40
1 Во оној ден стана и големо гонење против црквата во Ерусалим; и сите, освен апостолите се распрснаа по краиштата на Јудеја и Самарија. 2 А побожни луѓе го погребаа Стефана и направија голем плач над него. 3 Савле пак ја запустуваше црквата, влегувајќи во куќите, извлекуваше мажи и жени и ги предаваше во темница. 4 Оние кои беа распрснати одеа, проповедувајќи го Словото. 5 Така, Филип дојде во главниот град на Самарија и им го проповедаше Христа.
26 И Господов ангел му рече на Филипа: „Стани и оди кон југ, по патот што се спушта од Ерусалим кон Газа, и тој е пуст. 27 Тој стана и отиде. И ете, маж Етиопец – скопеник, дворјанин на етиопската царица Кандакија, кој беше одговорен над целата и ризница, а беше дошол во Ерусалим да се поклони, 28 и на враќање, седеше во својата кола и го читаше пророкот Исаија.
29 А Духот му рече на Филипа: „Приближи се и придружувај ја колата!” 30 Кога Филип притрча и чу дека оној го чита пророкот Исаија, и рече: „Го разбираш ли тоа, што го читаш?”
31 Тој пак рече: „Како би можел да разберам, ако некој не ме упати!” И го повика Филипа да се качи и да седне со него. 32 А местото од Писмото, што го читаше, беше ова: „Беше одведен како овца на колење; и како што јагнето е немо пред оној, кој го стриже, така не ја отвори Својата уста. 33 Во Неговото понижување Му беше укинат судот. Кој ќе го изброи Неговото поколение? зашто Неговиот живот се зема од земјата.” 34 Тогаш Етиопјанецот во одговор му рече на Филипа: „Те молам, за кого го вели ова пророкот? За себе или за некој друг?” 35 А Филип ја отвори устата и почнувајќи од тоа Писмо, му проповедаше за Исуса.
36 А кога патувајќи дојдоа до некоја вода, Етиопјанецот рече: „Еве вода! Што ми пречи да се крстам?” 37 А Филип рече: „Ако веруваш од сè срце – можеш.” Тој одговори и рече: „Верувам дека Исус Христос е Божји Син.” 38 И заповеда да застане колата, и двајцата – Филип и Етиопјанецот – слегоа во водата. И го крсти. 39 А кога излегоа од водата, Господовиот Дух го зеде Филипа, и Етиопјанецот веќе не го виде. Но продолжи радосно по својот пат. 40 А Филип се најде во Азот, а потоа, поминувајќи го проповедаше Евангелието, по сите градови додека не дојде во Ќесарија.
Jован 14:16-18
16 И Јас ќе Го молам Мојот Татко, и Тој ќе ви даде друг Утешител, за да биде со вас довека: 17 Духот на Вистината, Кого светот не може да Го прими, зашто не Го гледа, ниту Го познава. Вие Го познавате, зашто Тој престојува при вас и ќе биде во вас. 18 Нема да ве оставам сираци, ќе дојдам при вас.
Jован 15:4-5
4 Останете во Мене како Јас во вас. Како што прачката не може да роди плод сама од себе, ако не остане на лозата, така ни вие, ако не останете во Мене. 5 Јас Сум лозата, а вие сте прачките. Кој останува во Мене, и Јас во него, тој дава многу плод; зашто без Мене не можете да направите ништо.
Jован 16:5-13
5 ”А сега одам при Оној, Кој Ме пратил, и никој од вас не Ме праша: ‘Каде одиш?’ 6 Туку, вашето срце се наполни со тага, зашто ви го кажав тоа. 7 Сепак, Јас ви ја кажувам вистината: подобро е за вас, Јас да си отидам; зашто ако не си отидам, Утешителот нема да дојде при вас; ако пак заминам, ќе ви Го испратам.
8 А кога ќе дојде Тој, ќе го увери светот за грев и за правда и за суд. 9 За грев – зашто не веруваат во Мене; 10 за правда – зашто си одам при Мојот Татко, и веќе нема да Ме видите; 11 за суд – зашто е осуден кнезот на овој свет. 12 Имам уште многу да ви кажам, но сега не можете да носите. 13 А кога ќе дојде Тој, Духот на Вистината, ќе ве упати во сета вистина, зашто нема да зборува Сам од Себе, а ќе зборува она што слуша, и ќе ви навести за нештата што ќе дојдат.
15 И така, внимавајте грижливо како живеете! Не како немудри, туку како мудри; 16 искупувајте го времето, зашто дните се зли! 17 Затоа не бидете неразумни, туку разберете што е Господова волја! 18 И не се пијанете со вино, во кое е разузданоста, туку полнете се со Духот! 19 Зборувајте си еден на другиот со псалми, и химни, и со духовни песни! Пејте Му на Господа и воспевајте Го во вашите срца! 20 Благодарете Му секогаш за сè на Бог и Таткото, во името на нашиот Господ Исус Христос! 21 Покорувајте се еден на друг во страв од Христа!
Проповедник 4:1-7, 11-16
1 Пак почнав да ги набљудувам сите насилства што се прават под сонцето, и ете, солзи на угнетуваните, и никој нема да ги избрише; и насилствата на угнетувачката рака, а утешител нема за нив. 2 Затоа ги сметам среќни мртвите што веќе умреле; посреќни се од живите што живеат уште. 3 А од едните и другите е посреќен оној кој уште не постои, кој не ги видел лошите дела што се прават под сонцето. 4 Натаму искусив дека секој напор и секој успех му прибавува на човекот завист од неговиот ближен. И тоа е суета и гонење на ветер. 5 Безумникот ги скрстува рацете и се јаде себеси. 6 Подобро е полн грст во мир отколку двата грста со мачен труд и мака во духот. 7 И уште една суета забележав под сонцето:
11 Па и ако се спие двајца заедно потопло е; а како ќе се загрее самецот? 12 И ако некој удри на едниот, двајцата ќе му се спротиват; и троструко јаже не се кине скоро. 13 Подобар е сиромашен младец а мудар, отколку стар цар а неразумен, кој веќе не знае за совет. 14 Зашто младецот може да излезе од темница и да стане цар, а тој и како цар да е роден пак ќе е сиромашен. 15 Забележав како сите кои живеат и одат под сонцето се определија за младецот, за настапникот кој ќе го наследи. 16 Тој стапува на чело на безбројните поданици и идните поколенија не можеа да се радуваат заради него. И тоа е суета и тежина на духот.
Матеј 4:18-22
18 А кога одеше покрај Галилејското Море, ги виде двајцата браќа: Симона, наречен Петар, и брата му Андреја, дека фрлаа мрежа во морето, зашто беа рибари, 19 па им рече: „Дојдете по Мене и Јас ќе ве направам рибари на луѓе!” 20 А тие веднаш ги оставија мрежите и Го следеа. 21 И кога отиде оттаму, виде натаму други двајца браќа: Јакова Заведеев и брата му Јована, во кораб со татка им Заведеј, како ги крпат своите мрежи, и ги повика. 22 И тие веднаш ги оставија коработ и татка си и Го следеа.
Лука 6:12-20
12 Во тие дни се искачи на гората, за да се моли; и ја помина ноќта, молејќи Му се на Бога. 13 А кога се раздени, ги повика Своите ученици и од нив избра Дванаесетмина, кои и ги нарече апостоли: 14 Симон, кого го нарече и Петар, и брата му Андреја; Јакова и Јована; Филипа и Вартоломеја; 15 Матеја и Тома; Јакова Алфеев и Симона, наречен Зилот; 16 Јуда Јаковов и Јуда Искариотски кој стана и предавник. 17 И кога слезе, заедно со нив, и застана на едно рамно место, и множество Негови ученици и множество народ од цела Јудеја и од Ерусалим, од Тирското и Сидонското приморје, 18 кои дојдоа да Го чујат и да се исцелат од своите болести, и оздравуваа и оние, кои беа измачувани од нечисти духови. 19 И целиот народ сакаше да се допре до Него, зашто од Него излегуваше сила и ги лекуваше сите. 20 И Тој ги подигна Своите очи кон Своите ученици и рече: „Блажени сте вие бедните, зашто е ваше Божјото Царство!
Лука 9:1-6
1 И ги повика Дванаесетмината и им даде сила и власт, над сите нечисти духови и да лекуваат болни.2 И ги испрати да го проповедаат Божјото Царство и да исцелуваат болни.3 И им рече: „Не земајте ништо за пат: ни стап, ни торба, ни леб, ни сребреници! Ниту да имате по две облеки.4 И во која куќа и да влезете, останете и оттаму тргнувајте.5 И ако некои не ве примат, излезете од нивниот град, истресете го правот од своите нозе, за сведоштво против нив!”6 Тогаш отидоа и одеа по селата, проповедувајќи го Евангелието и исцелувајќи насекаде.
1 Солунците 2:7-12
7 Напротив, бевме благи меѓу вас, како доилката, која топло ги негува своите деца, 8 така, полни со љубов кон вас сакавме да ви го предадеме не само Божјото Евангелие, туку и своите души, зашто ни станавте мили. 9 Затоа, браќа, вие ги помните нашиот труд и мака: работејќи ноќе и дење, за да не му паднеме на терет на некој од вас, додека го проповедувавме Божјото Евангелие. 10 Вие сте сведоци и Бог, како свето, праведно и беспрекорно се однесувавме кон вас, кои верувате. 11 Како што знаете, ние секого од вас поединечно, како татко своите деца, го бодревме и советувавме, и ви сведочевме 12 да живеете достојно за Бога, Кој ве повикува во Своето Царство и слава.
Колошаните 4:2-6
2 Бидете постојани во молитвата, бдејте во неа со благодарност! 3 Молете се уште и за нас, за да ни ја отвори Бог вратата на словото и за да ја навестиме тајната на Христа, заради која сум и во окови – 4 и да ја откријам онака, како што треба да зборувам. 5 Постапувајте мудро кон оние, надворешните, ползувајќи го времето. 6 Вашето слово секогаш да е љубезно, зачинето со сол, за да знаете како треба да му одговорите секому.
1 Коринќаните 2:9 – 3:3
9 туку, како што е напишано: „Што окото не виде, што увото не чу, што во човечкото срце не дојде, тоа Бог го приготви за оние, кои Го љубат.” 10 А Бог ни го откри тоа нам преку Духот, зашто Духот испитува сè, па дури и Божјите длабочини. 11 Зашто, кој од луѓето знае што е во човекот, освен човечкиот дух, кој е во него? Така никој не знае што има во Бога, освен Божјиот Дух. 12 А ние не го примивме духот на светов, туку Духот, Кој доаѓа од Бога, за да знаеме што Бог милостиво ни дарува. 13 Па и тоа не го зборуваме со зборови научени од човечката мудрост, туку со зборови научени од Духот Свети, споредувајќи ги духовните работи со духовното. 14 А душевниот човек не го прима она што е од Божјиот Дух, зашто тоа е безумство за него, и не може да сознае, зашто за тоа треба да расудува на духовен начин. 15 Духовниот човек пак испитува сè, а него никој не го испитува, 16 зашто: „Кој го познава Господовиот ум, за да го поучи?” А ние го имаме Христовиот ум.
3:1 И јас, браќа, не можев да ви зборувам како на духовни, но како на телесни, како на младенци во Христа. 2 Со млеко ве напоив, не со тврда храна, зашто уште не можевте да ја поднесувате. А ни сега не можете, 3 зашто сте уште телесни. Не сте ли телесни и не живеете ли како обичните луѓе, штом меѓу вас има завист, спорови и поделба?
1 Jован 1:5-2:2
5 И ова е веста што ја чувме од Него и што ви ја јавуваме вам: Бог е светлина и во Него нема никаква темнина. 6 Ако речеме дека имаме заедништво со Него, а одиме во темнина, лажеме и не ја вршиме вистината. 7 Ако пак одиме во светлина, како што е Тој Самиот во светлина, имаме заедница еден со друг, и крвта на Неговиот Син Исуса Христа нè очистува од секој грев. 8 Ако речеме дека немаме грев се измамуваме сами себе, и вистината не е во нас. 9 Ако ги исповедаме своите гревови, Тој е верен и праведен: да ни ги прости гревовите и да нè очисти од секоја неправда. 10 Ако речеме дека не сме згрешиле Него Го правиме лажец, и Неговото слово не е во нас. 1 Дечиња мои, ова ви го пишувам за да не згрешите; и ако некој згреши, имаме Бранител при Таткото: Исуса Христа, Праведникот. 2 Тој е жртва помирница за нашите гревови; не само за нашите, туку и за гревовите на целиот свет.
Matej 28:16-20
16 Единаесеттемина Исусови ученици отидоа во Галилеја, на гората на којашто Исус им закажа средба. 17 Кога Го видоа, тие Му се поклонија, иако некои од нив останаа неуверени. 18 Приближувајќи им се, Исус им рече: „Ми се даде целата власт, на небото и на Земјата. 19 Одете меѓу сите народи и создадете од нив Мои ученици; крштавајте ги во името на Таткото, Синот и Светиот Дух; 20 Учете ги новите следбеници да го извршуваат сето она што вам ви го заповедав.“
Дела 22:1-21
1„Мажи браќа и татковци! Чујте ја мојата одбрана.” 2Кога чуја дека им говори на еврејски јазик, се смирија уште повеќе. И рече: 3”Јас сум Јудеец, роден во Киликиски Тарс, а воспитан во овој град, при Гамалиловите нозе, научен строго според татковскиот закон, ревнувајќи за Бога, како и вие сите денес. 4Го гонев овој Пат до смрт; и врзував и предавав во темници мажи и жени, 5како што може да посведочи за мене првосвештеникот, со сите старешини. Од нив примив и писма за браќата во Дамаск, каде одев за да ги дотерам врзани во Ерусалим и оние, кои беа таму, за да бидат казнети.”
6”Кога одев и наближив до Дамаск, одеднаш, околу пладне, ме осветли
голема светлина од небото. 7И паднав на земјата и чув глас како ми зборува: ‘Савле, Савле, зошто Ме гониш?’ 8А јас одговорив: ‘Кој си ти, Господине?’ И ми рече: ‘Јас сум Исус Назареецот, Кого ти Го гониш.’ 9А оние, кои беа со мене, ја видоа светлината, но не го чуја гласот, кој ми зборуваше. 10Тогаш реков: ‘Што да правам, Господи?’ А Господ ми рече: ‘Стани и оди во Дамаск и таму ќе ти се каже сè што ти е определено да правиш!’ 11И бидејќи не можев да гледам од блескотот на светлината, моите другари ме поведоа за рака и така дојдовме во Дамаск.” 12„А некој Ананиј, благочестив маж според Законот, за кого сведочеа добро сите тамошни Јудејци, 13дојде при мене, ми се доближи и рече: ‘Брате
Савле, прогледај!’ И јас во истиот миг погледав во него. 14А тој рече: ‘Бог на нашите татковци однапред те определил да ја познаеш Неговата волја и да Го видиш Праведникот и да го чуеш гласот од Неговата уста, 15зашто ќе Му бидеш сведок пред сите луѓе за она што си видел и чул. 16И што се двоумиш сега? Стани, крсти се и измиј се од своите гревови, повикувајќи го името на Господа.’ 17 Кога се вратив во Ерусалим, еден ден отидов во храмот за да се молам. 18 Во видение Го видов Исуса, Кој ми рече: ,Напушти го Ерусалим што поскоро, зашто тие нема да веруваат кога ќе им сведочиш за Мене!‘ 19 А јас Му реков: ,Господе, зошто да не ми веруваат кога знаат дека јас ги затворав и ги тепав по синагогите оние што веруваа во Тебе!? 20 А кога го каменуваа Твојот сведок Стефан, и јас бев таму. Го одобрував убиството и им ги чував облеките на неговите убијци!‘ 21 Но Господ ми рече: ,Ти наредувам да го напуштиш Ерусалим, зашто Јас те праќам далеку, меѓу нееврејските народи!‘“
Дела 26:1-23
Потоа Агрипа му рече на Павле: „Можеш да почнеш да ја изложуваш својата одбрана.“ Тогаш Павле ја испружи раката во знак на поздрав[a], и ја започна својата одбрана: 2 „Царе Агрипа, имам голема среќа што можам пред Вас да ја изнесам мојата одбрана во врска со се она за што ме обвинуваат Евреите, 3 зашто вие сте добар познавач на еврејските обичаи и расправии. Затоа ве молам внимателно да ме ислушате.
4 Сите Евреи знаат каков беше мојот живот уште додека бев млад, кога живеев во Ерусалим, меѓу мојот народ. 5 Ме познаваат веќе долго време и ако сакаат можат да потврдат дека јас бев фарисеј, што значи дека живеев според најстрогите прописи на нашата вера. 6 Сега сум изведен пред суд, затоа што верувам дека Бог ќе го исполни она што им го вети на нашите прататковци. 7 А сите дванаесет еврејски племиња ревносно Му се поклонуваат на Бог ден и ноќ, очекувајќи го исполнувањето на истата вера! Заради таа моја вера, царе, јас денеска сум обвинет од Евреите. 8 Зошто вам ви се чини неверојатно дека Бог ќе ги воскресне мртвите!?
9 Порано и јас верував дека треба со сите свои сили да им се противставам на следбениците на Исус од Назарет[b]. 10 Така и правев. Имав добиено овластување од Првосвештениците, па многу христијани од Ерусалим одведов в затвор. Кога им се судеше и кога беа осудувани на смрт и јас гласав против нив. 11 Ги казнував по сите синагоги и со примена на сила се обидував да ги натерам да Го навредуваат Христос. Толку строг бев против нив, што ги прогонував дури и во далечни градови, надвор од нашата земја!
12 При еден таков потфат тргнав за Дамаск со овластување и задача од Првосвештениците. 13 Додека патував, Ваше Величество, сред бел ден видов светлина посилна од сончевата што блесна во мене и во моите придружници. 14 Сите паднавме наземи! Тогаш јас слушнав глас, кој на еврејски јазик ми рече: ,Савле, Савле, зошто Ме прогонуваш!? Лошо ќе поминеш ако клоцаш против остен[c]!‘ 15 ,Кој сте Вие, Господине?‘ – прашав, а Господ ми одговори: ,Јас сум Исус, Оној што Го прогонуваш! 16 Стани, исправи се на нозе! Јас ти се појавив за да те назначам за Свој служител и сведок: да им го кажуваш на луѓето ова што го виде и она што допрва ќе ти го откријам. 17 А јас ќе те заштитувам од твојот народ и од другите народи кај кои те испраќам 18 за да им ги отвориш очите, па да се обратат од темнина кон светлина, од власта на Сатаната кон Бог. Така ќе добијат простување за своите гревови и наследство заедно со сите други што станаа Божји народ, одбрани преку вера во Мене.‘
19 Така, царе Агрипа, јас не откажав послушност спрема ова видение што ми дојде од небото. 20 Почнав да им проповедам, најпрво на Евреите во Дамаск, а потоа во Ерусалим и во сите области на Јудеја. Потоа продолжив да им проповедам и на нееврејските народи, да им објаснувам дека треба да се покаат и да се свртат кон Бог, и со своето поведение на дело да потврдат дека навистина се покајале. 21 Поради ова, додека бев во храмот, група Евреи ме фатија и се обидоа да ме убијат. 22 Но се до денешен ден Бог ми беше на помош и еве стојам овде и им сведочам на сите, на обични луѓе и на моќници. Не проповедам ништо различно од она што е веќе претскажано од пророците и од Мојсеј: 23 дека Месијата требаше да настрада и дека како првовоскреснат од мртвите Тој им ја покажа светлината[d] и на Евреите и на сите други народи.“
24 Ненадејно Фест стана и почна да вика: „Си споулавел, Павле! Од многу читање си се мрднал од умот!“
25 „Не сум споулавел, честити Фесте!“ – рече Павле. „Тоа што го зборувам е разумно и вистинито! 26 Царот Агрипа добро ги познава овие работи и затоа јас толку слободно зборувам пред него. Уверен сум дека ништо од сево ова не му е непознато, бидејќи ова не се одигруваше во некое зафрлено ќоше! 27 Верувате ли, царе Агрипа, во она што го пишале пророците? Знам дека верувате!“
Колошаните 2:1-3
1 Имено, сакам да знаете колкава борба имам за вас, и за оние во Лаодикија, и за сите кои што не ме виделе лично, 2 за да се утешат нивните срца и соединети во љубовта да дојдат до сето богатство на полната уверност на разбирањето, до познавањето на тајната на Бога, и на Христа, 3 во Кого се сокриени сите богатства на мудроста и на знаењето.
1 Коринќаните 3:5-9
5 Па што е Павле? Што е Аполос? Слуги преку кои вие поверувавте и тоа според она, колку кому Господ му дал. 6 Јас посадив, Аполос навади, но Бог прави да расте. 7 Затоа: ниту оној кој сади, е нешто; ниту оној кој навадува, туку Бог, Кој прави да расте. 8 А оној, кој сади и оној, кој вади – едно се, но секој ќе ја прими својата награда според својот труд. 9 Ние сме соработници на Бога, а вие сте Божја нива, Божја зграда.
од 16:11-15, 40
11 Потоа отпловивме од Троада и патувавме право кон Самотрак, а на идниот ден во Неапол, 12 а оттаму во Филипи, римска колонија и прв град во оној дел на Македонија. Во тој град престојувавме неколку дена. 13 А во саботата излеговме надвор од градската врата, кон реката, каде што имаа обичај да се молат. И седнавме и им зборувавме на собраните жени. 14 И некоја богобојазлива жена по име Лидија, продавачка на пурпурно платно од градот Тиатир, слушаше; и Господ и го отвори срцето да внимава на Павловите зборови. 15 А кога беше крстена таа, и нејзиниот дом, нè замоли, велејќи: „Ако ме признавате за верна на Господа, влезете во мојот дом и останете.” И нè принуди.
40 И кога излегоа така од темницата, дојдоа при Лидија, ги видоа браќата и ги утешија, и си отидоа.
од Дела 17:1-4
1 И кога поминаа преку Амфипол и Аполонија, пристигнаа во Солун, каде имаше јудејска синагога. 2 И по својот обичај Павле влезе при нив и, три саботи редум, расправаше со нив од Писмото, 3 толкувајќи и докажувајќи дека Христос требаше да пострада и да воскресне од мртвите и дека е Тој Месија – Исус, „Кого јас ви Го проповедам.” 4 И некои од нив се убедија и се дружеа со Павла и Сила; а исто така и големо множество побожни Грци и не малку угледни жени.
ВОЛТ сака да им заблагодари на следните артисти и организации за позајмените медиумски помагала:
“Blue Eyes” – Shutterstock Image ID:1334908, Copyright: iko
Video – Change the World – Daniel Stevers, DanStevers.com. http://www.danstevers.com/store/change_the_world/
“Grunge map of the world”– Shutterstock, Image ID: 524813896, Shutterstock.com, Copyright: javarman [Text added]
“Hand acting with red heart isolated on white background with clipping path.” Shutterstock Image ID:324361253, Copyright: Sanit Fuangnakhon
“Students Laughing,” Romania Ccc,
“Electric cable close-up with glowing electricity lightning” – Shutterstock, Image ID:159800267, Copyright: ESB Professional
“Athlete passing a baton to the partner against race track” Shutterstock Image ID:437158714, Copyright: vectorfusionart
ВОЛТ сака да им заблагодари на следните артисти и организации за позајмените медиумски помагала:
ВОЛТ сака да им заблагодари на следните артисти и организации за позајмените медиумски помагала:
“Two friends talking sitting in a couch in the living room with a window in the background at home.” Shutterstock – Image ID:457481938, Copyright: Antonio Guillem.
“Salt trailing out of salt shaker,” Shutterstock Image ID:3830344, Copyright: Margaret M Stewart
“Positive woman happy smile think looking up to empty copy space, young girl wear green shirt, isolated over white background,” Shutterstock Image ID:97401785, Copyright: ProStockStudio
“Blonde girl walking in the fog on the beach,” Shutterstock Image ID:46977373, Copyright: siart
ВОЛТ сака да им заблагодари на следните артисти и организации за позајмените медиумски помагала:
“Holy spirit dove flies in blue sky, bright light shines from heaven, Christian symbol,” Shutterstock Image ID:264641516, Copyright: Igor Zh.
“Jesus standing with hands extended and pointing to a jar and bowl,” Shutterstock Image ID:123612373, Copyright: Carlos E. Santa Maria [Cropped & Text added]
ВОЛТ сака да им заблагодари на следните артисти и организации за позајмените медиумски помагала:
“Young women at school, two female friends talking and studying for college test in park.” Shutterstock Image ID:126526316, Copyright: Diego Cervo
Picture – The Philippian Jailer asking “What must I do to be saved?”, by Lars Justinen, GoodSalt.com
Circles – CRU.org
“Stick Figure With Clap Board,” PresenterMedia.com ITEM#: 3781
Video – “How to handle different responses,” IKAN productions, Philippines Ccc.
ВОЛТ сака да им заблагодари на следните артисти и организации за позајмените медиумски помагала:
“Portrait of two male students talking in a park” – Shutterstock Image ID:107154584, Copyright: wavebreakmedia
“The Philippian Jailer asking ‘What must I do to be saved?’”, by Lars Justinen, GoodSalt.com
“Decision point at crossroads. Image isolated on a white back ground.” Shutterstock Image ID:58458118, Copyright: fliegenwulf
Man Shrugging – Adobe Captivate files
ВОЛТ сака да им заблагодари на следните артисти и организации за позајмените медиумски помагала:
Picture 1 – Two handsome mature students having a conversation sitting in class room, Shutterstock.com – Image ID:160648694, Copyright: wavebreakmedia.
“The young man dreams at sunset. He’s in the hood: sitting profile to the camera.” Shutterstock Image ID:472747009, Copyright: StockMediaSeller
“Conceptual symbol of multiracial human hands making a circle on white background with a copy space in the middle,” Shutterstock Image ID:47641933, Copyright: maxstockphoto
ВОЛТ сака да им заблагодари на следните артисти и организации за позајмените медиумски помагала:
“Close-up of four people standing in circle with eyes closed, holding each other’s shoulders in a supportive pose,” Shutterstock Image ID:452653681, Copyright: Photographee.eu
“Pouring fresh water on glass on light background.” Shutterstock ID: 321754991, By ChristianChan
ВОЛТ сака да им заблагодари на следните артисти и организации за позајмените медиумски помагала:
“Tree by river,” Presentermedia.com, ID 15881
“Corporate climb up,” Presentermedia.com, ID 7214
“Man Bible,” Shutterstock ID 320458223, By Billion Photos
“Business friends discussing brainstorming and ideas at meeting inside beautiful modern building place,” Shutterstock ID: 245167687, By ESB Professional
“A casual young woman says a prayer with her hands held together.” Shutterstock ID: 284335199, By ptnphoto
9 Подобро им е на двајцата отколку на еден, зашто имаат подобра плата за својот труд. 10 Ако падне едниот, другиот ќе го поткрене а тешко му на едниот! Ако падне, нема никој да го крене. 11 Па и ако се спие двајца заедно потопло е; а како ќе се загрее самецот? 12 И ако некој удри на едниот, двајцата ќе му се спротиват; и троструко јаже не се кине скоро.
Колошаните 2:6-7
6 И така, како што Го примивте Христа Исуса, Господа, така и да одете во Него: 7 вкоренети и надѕидани во Него и зацврстени во верата, како што сте поучени, изобилувајќи во благодарноста
Во подготовка на читање на библискиот пасус за оваа лекција, ќе биде добро да се потсетиш што се случило пред настаните запишани во Дела 4та глава.
Само Бог може да изгради движење. Тоа е Негова работа. Ние едноставно Му се придружуваме како Негови слуги или соработници. Ние зависиме од Бог за сите работи. Разгледај ја зависноста од Бог во примарните елементи на движењето:
Нашата генерација е зафатена од една болест. Верата е станата толку лична што од заедништвото што порано ја одликуваше сега има останато само бледа сенка. Неколку инивидуални дејствија (како кажување на молитва, прекрстување, постење за време на празниците) постанаа мерка за духовниот живот на луѓето. А сепак Исус рече, “По тоа сите ќе познаат дека сте Мои ученици – ако имате љубов помеѓу себе.”
Нашиот голем Бог на сите верници веќе им има дадено многу нешта. Тие имаат нови срца, духвни дарови и богатствата во Христос. Тие го имаат Божјиот Дух и гласот на Добриот Пастир. Тие се Божјо дело, создадени за добри дела. (Ефесјаните 2:10) Тој им ја има доверено ним службата на измирување. (2 Коринтјаните 5:18) Ние сме ПРЕМНОГУ БЛАГОСЛОВЕНИ.
